പുരസ്കാരം

കേരള സംഗീത - നാടക അക്കാദമി ഗുരുപൂജ പുരസ്‌കാരം പത്തിയൂർ കമലത്തിന്

പത്തിയൂർ: തകിൽ വാദന വിദ്വാൻ പത്തിയൂർ മാരൂർവീട്ടിൽ ഗോപാലപ്പണിക്കരുടെയും ഏവൂർ, തെക്കത്തിൽ വീട്ടിൽ തങ്കമ്മയുടെയും രണ്ടാമത്തെ മകളാണ് കമലം. പത്തിയൂർ കമലം എന്ന പേരിൽ കേരളത്തിനകത്തും പുറത്തും ചെറുപ്പം മുതലേ ക്ഷേത്രോത്സവങ്ങളെയും സംഗീത അരങ്ങുകളെയും തകിലിൻ്റെ ധ്വനിപാഠങ്ങളാൽ മുഖരിതമാക്കി. കേരളത്തിനു പുറത്ത് അക്കാലത്തുതന്നെ ഏറെ ആദരിക്കപ്പെട്ടു.

വിവാഹാനന്തരം കോട്ടയം കുറിച്ചിയിൽ താമസമാക്കി. ജനിച്ച മണ്ണിനെ അപ്പോഴും മറക്കാതെ പേരിനൊപ്പം പേറിയാണ് വേദികളിൽ നിറഞ്ഞു നിന്നത്. 

തകിൽ വാദകനായ പ്രദീപ്, ലത മൂർത്തി എന്നിവർ മക്കൾ. ആശ, പ്രശസ്ത തകിൽവിദ്വാൻ ആലപ്പുഴ കരുണാമൂർത്തി എന്നിവർ മരുമക്കൾ. രാജമ്മ, ശിവരാമപ്പണിക്കർ കണ്ണമംഗലം,  ലീലാമ്മ, മുരളീധരൻ നായർ എന്നിവർ സഹോദരങ്ങൾ.