'സിപിഎം മന്ത്രിമാർ മരണപ്പെടും. വലിയ തോതിൽ പ്രകൃതി ദുരന്തം ഉണ്ടാകും'
ഇന്നത്തെ ന്യൂ ഇൻഡ്യൻ എക്സ്പ്രസ്സ് പത്രത്തിൽ 'വേൾഡ് മാറ്റേഴ്സ്' എന്ന് പേരായ ഒരു പംക്തി എഴുതുന്ന ഒരു ജോതിഷക്കാരനുണ്ട്. 'ജൂപ്പിറ്റർ അസ്ട്രോളജീസി'ന്റെ എംഡിയായ സുന്ദർ ബാലകൃഷ്ണൻ. അദ്ദേഹം വിചിത്രമായ ഒരു പ്രവചനം നടത്തിയിരിക്കുന്നു.
കേരളത്തിലെ 2021ലെ ഇടതുപക്ഷ മന്ത്രിസഭയെ കുറിച്ചാണ് പ്രവചനം.
1. 2022 ഒക്റ്റോബറിനും 2023 ജൂലൈക്കും ഇടയിൽ വലിയ ഒരു പ്രകൃതി ദുരന്തം സംഭവിക്കാനിടയുണ്ട്.
2. 2023 മാർച്ചിനും - ജൂണിനും ഇടയില്‍ മന്ത്രിസഭാ പുനഃസംഘടന ഉണ്ടാകും.
3. 2023 ആഗസ്റ്റിനും 2024 ജനുവരിയ്ക്കും ഇടയില്‍ മന്ത്രിസഭയിലെ ഒരു പ്രമുഖൻ മരണപ്പെടും. അത് സീനിയർ മന്ത്രി എന്നാണ് പറയുന്നത്. നമ്മുടെ സിഎം പിണറായി വിജയൻ സാറിന്റെ ആരോഗ്യം വളരെ വളരെ മോശമാകും.
4. 2024- ഫെബ്രുവരിയ്ക്കും 2024 -മേയ് മാസത്തിനും ഇടയിൽ സിപിഎം എന്ന പാർട്ടി പിളരും. അല്ലങ്കിൽ സംഘടനാ പ്രശ്നം വളരെ രൂക്ഷമാകും.
5. 2024 ജൂണിൽ വലിയ ഒരു അഴിമതി
ഗവൺമെന്റിനെ പിടിച്ച് ഉലയ്ക്കും.
ഇനി, ഇതിന് മുൻപ് ഇദ്ദേഹം നടത്തിയ പ്രവചനം എന്താണന്നോ?
കേരളത്തില്‍ ഇടതുപക്ഷം 100 നടുത്ത് സീറ്റുകളായി അധികാരത്തിൽ വരും. ബംഗാളിൽ മമത മൃഗീയ ഭൂരിപക്ഷം നേടും. ഡൊണാള്‍ഡ് ട്രമ്പ് അധികാരത്തിൽ നിന്നും പുറത്താകും.
ഈ പ്രവചനം തെറ്റാകട്ടെ, ശരിയാകട്ടെ. ഇങ്ങനെ ഒരു പ്രവചനം ഉണ്ടെന്ന് നിങ്ങളെ അറിയിച്ചു എന്നു മാത്രം.
